Pambakal Jingah Rabit 29 Agustus jam 14:23 Balas
SALINGKUHAN
Oleh: Roni Race Batola
Raminya pambaritaan di TV masalah parsalingkuhan wan banyaknya pamakaian astilah salingkuhan ahir-ahir ini tarnyata manarik perhatian saurang nini, tapi sidin kada paham maksud arti salingkuh, balalu sidin batakun wan nang cucu, “Cu! Apa garang artinya selingkuhan nangitu?”
Kerna kada hindak nininya bapikir nang macam-macam si cucu pun manjawapi nang kaya damia,
“Selingkuhan itu panyakit mencret-mencret atau bahiraan ni ae!”
"Oh, jadi nang rami dipandir urang di TV tu bahiraan lah?”
Suatu subuh si nini taduduk di muka palataran rumah, muha sidin pucat tagas imbah kalapahan banar, kabatulan pambakal lewat, balalu pambakal marawa si nini, “Nini! Kanapa muha pian pucat banar tagas kalapahan nangitu?”
Jawap si Nini, “Iya, pambakal ae, dari malam tadi sampai subuh ngini aku dihajar tarus ulih selingkuhan, makanya muhaku pucat, bilang babaya sawat mamuruk tapih dihajarnya pulang nang kaya apa kada kalapahan pambakal ae!'
wkwkwkwk
Selamat menjalankan ibadah puasa
No comments:
Post a Comment